Frá þekkingur til þróunaráhrifa: Endurheimt vistkerfa og sjálfbær landnýting

Langar þig að vita meira um hvernig sérþekking og reynsla Íslands nýtist í þróunarsamvinnu? Á þessum viðburði verður sjónum sérstaklega beint að starfsemi Landgræðsluskóla GRÓ sem stofnaður var árið 2007 til þess að efla þekkingu, hæfni og getu í þróunarlöndum til að endurheimta vistkerfi og stuðla að sjálfbærri landnýtingu.

 

Á viðburðinum verður farið yfir hvernig þekkingaruppbygging á sviði landgræðslu og sjálfbærrar landnýtingar hefur nýst í þróunarríkjum sem glíma við afleiðingar hnignunar vistkerfa og loftslagsbreytinga.

 

Komdu og hlustaðu á fyrrum nemendur Landgræðsluskóla GRÓ segja frá upplifun sinni, árangri og sýn á það hvernig markviss þjálfun, fræðsla og uppbygging færni getur stuðlað að raunverulegum framförum í sjálfbærri þróun.

 

Viðburðurinn er á vegum GRÓ — Þekkingarmiðstöðvar þróunarsamvinnu, Landgræðsluskóla GRÓ, Landbúnaðarháskóla Íslands og utanríkisráðuneytisins í samvinnu við Alþjóðamálastofnun Háskóla Íslands. Um er að ræða síðasta viðburðinn af fjórum þar sem kastljósinu er beint að áhrifum af starfi GRÓ skólanna fjögurra, sem gegna mikilvægu hlutverki í alþjóðlegri þróunarsamvinnu Íslands.

 

13:15 Boðið verður upp á léttar veitingar eftir viðburðinn.

Viðburðurinn fer fram á ensku - Öll velkomin skráning fer fram hér / Facebook viðburður.