Fréttir

Jarðhitaskóli GRÓ útskrifaði 23 sérfræðinga frá 16 löndum í síðustu viku, í 46. útskrift skólans frá stofnun hans árið 1978. Nemendurnir komu frá Afríku, Asíu, S-Ameríku og ríkjum í Karabíska hafinu. Í fyrsta sinn sótti nemandi frá Bútan skólann. Öll voru þau tilnefnd til þátttöku í náminu af hálfu vinnuveitenda sinna vegna mikilvægrar stöðu þeirra heima fyrir við að þróa og auka notkun endurnýjanlegra orkugjafa.

Það er ótrúlegt að hugsa til þess í dag að Ísland var flokkað sem þróunarland allt fram til ársins 1976. Það var einmitt um sama leyti sem Íslendingar fóru að hugsa um hvernig þeir gætu sem best stuðlað að þróun og aukinni velsæld úti í hinum stóra heimi, sem veitandi í þróunarsamvinnu.

GRÓ hefur uppfært árangursrammann sem var gefinn út árið 2023.

Átjándi nemendahópur Landgræðsluskóla GRÓ útskrifaðist á þriðjudaginn. Nemendahópurinn samanstóð af 19 sérfræðingum á sviði sjálfbærrar landnýtingar og endurheimtar vistkerfa, frá níu samstarfslöndum skólans í Afríku og Asíu.

Nemendur Jarðhitaskóla og Landgræðsluskóla GRÓ, sem og starfsmenn GRÓ miðstöðvarinnar og skólanna tveggja, voru boðnir að Bessastöðum þann 18. ágúst sl. til fundar við Höllu Tómasdóttur forseta Íslands.

Alls útskrifuðust 97 sérfræðingar úr þjálfunarnámi á vegum GRÓ – Þekkingarmiðstöðvar þróunarsamvinnu á árinu 2024. Í lok árs höfðu 1.767 sérfræðingar lokið fimm til sex mánaða námi í skólunum fjórum sem starfræktir eru á vegum GRÓ, það er Jafnréttisskólanum, Jarðhitaskólanum, Landgræðsluskólanum og Sjávarútvegsskólanum. GRÓ styrkir einnig útskrifaða nemendur til framhaldsnáms og luku sjö styrkþegar slíku námi á árinu, tveir doktorsprófi og fimm meistaragráðu. Einnig voru ýmis stutt námskeið haldin í samstarfslöndunum, sem rúmlega 400 manns sóttu, og nýju netnámskeiði var hleypt af stokkunum.